بیجنگ: چین نے سیٹلائٹ کو Long March 3B راکٹ کے ذریعے جنوب مغربی چین کے صوبہ Sichuan میں واقع Xichang Satellite Launch Center سے لانچ کیا گیا۔
رپورٹ کے مطابق راکٹ مقامی وقت کے مطابق شام 5 بج کر 45 منٹ پر روانہ ہوا اور طے شدہ مدار میں سیٹلائٹ کی کامیاب تنصیب کے بعد مشن کو کامیاب قرار دیا گیا۔
چینی حکام کے مطابق شی جیان-31 بنیادی طور پر خلائی ماحول کی نگرانی، خلائی حالات کا تجزیہ اور متعلقہ سائنسی معلومات حاصل کرنے کے لیے استعمال کیا جائے گا۔ اس سے خلائی تحقیق، سیٹلائٹ آپریشنز اور مستقبل کے مشنز کے لیے اہم ڈیٹا حاصل کرنے میں مدد ملے گی۔
یہ مشن چین کے مشہور لانگ مارچ راکٹ پروگرام کا 651 واں خلائی مشن تھا، جو ملک کے تیزی سے ترقی کرتے ہوئے خلائی پروگرام کی ایک اور کامیابی سمجھی جا رہی ہے۔
چین حالیہ برسوں میں خلائی تحقیق، سیٹلائٹ ٹیکنالوجی، قمری مشنز اور خلائی اسٹیشن کی تعمیر کے شعبوں میں نمایاں پیش رفت کر چکا ہے۔ ماہرین کے مطابق شی جیان-31 کی کامیاب لانچنگ چین کی خلائی صلاحیتوں کو مزید مضبوط بنانے کی کوششوں کا حصہ ہے۔
