خیبرپختونخوا میں سیکیورٹی فورسز نے دہشت گردی کے خلاف دو مختلف انٹیلی جنس بیسڈ کارروائیوں میں 4 بھارتی سپانسرڈ دہشت گردوں کو ہلاک کر دیا ہے۔
پاک فوج کے شعبہ تعلقات عامہ (آئی ایس پی آر) کے مطابق پہلا آپریشن ڈی آئی خان میں کیا گیا جہاں سیکیورٹی فورسز نے فتنہ الخوارج سے تعلق رکھنے والے 2 دہشت گردوں کو کامیاب کارروائی میں ہلاک کیا۔
آئی ایس پی آر نے مزید بتایا کہ دوسرا آپریشن مہمند کے علاقے میں کیا گیا، جہاں سیکیورٹی فورسز نے ایک اور انٹیلی جنس بیسڈ کارروائی کے دوران مزید 2 دہشت گردوں کوموت کے گھاٹ اتار دیا۔
بیان کے مطابق کارروائیوں کے دوران ہلاک دہشت گردوں کے قبضے سے اسلحہ اور گولہ بارود بھی برآمد کیا گیا، جبکہ یہ عناصر علاقے میں متعدد دہشت گرد کارروائیوں میں ملوث تھے۔
آئی ایس پی آر نے کہا کہ عزمِ استحکام وژن کے تحت دہشت گردی کے خاتمے کے لیے آپریشنز بھرپور انداز میں جاری ہیں، اور سیکیورٹی فورسز و قانون نافذ کرنے والے ادارے ملک سے دہشت گردی کے مکمل خاتمے کے لیے پرعزم ہیں۔
