تائیوان کا امریکہ سے اظہارِ تشکر، تائیوان پالیسی میں تبدیلی نہ ہونے کی تصدیق

تائیوان نے امریکہ کی جانب سے اپنی حمایت اور آبنائے تائیوان میں امن و استحکام کے مؤقف کی توثیق پر باضابطہ طور پر شکریہ ادا کیا ہے۔

تائیوان کی وزارت خارجہ کے مطابق یہ بیان اس وقت سامنے آیا جب امریکہ اور چین کے درمیان اعلیٰ سطحی مذاکرات جاری ہیں اور خطے میں کشیدگی ایک بار پھر عالمی توجہ کا مرکز بنی ہوئی ہے۔

تائی پے میں وزارت خارجہ کے بیان میں کہا گیا کہ واشنگٹن کی جانب سے تائیوان پالیسی میں کسی تبدیلی کی تصدیق خطے میں اعتماد اور استحکام کے لیے اہم ہے۔

بیان کے مطابق تائیوان آبنائے تائیوان میں امن اور سلامتی کے لیے پرعزم ہے، جبکہ اس نے چین کی فوجی سرگرمیوں کو "دباؤ اور ہراسانی” قرار دیا ہے۔