ہنگو: ہنگو میں سیکیورٹی فورسز اور دہشت گردوں کے درمیان فائرنگ کا تبادلہ ہوا۔ آئی ایس پی آر کے مطابق جھڑپ میں 8 دہشت گرد ہلاک ہوگئے۔
شدید فائرنگ کے دوران سیکیورٹی فورسز کے 6 اہلکار بھی شہید ہوئے۔ شہید ہونے والوں میں 2 افسران اور 4 جوان شامل ہیں۔
دو افسران نے جام شہادت نوش کیا
آئی ایس پی آر کے مطابق شہید ہونے والے افسران میں کیپٹن ابوذر فاروق اور لیفٹیننٹ شیراز بابر شامل ہیں۔
23 سالہ کیپٹن ابوذر فاروق کا تعلق گوجرانوالہ سے تھا۔ 22 سالہ لیفٹیننٹ شیراز بابر کا تعلق چکوال سے تھا۔
آئی ایس پی آر کے مطابق دونوں افسران نے اپنے دستے کی فرنٹ سے قیادت کی۔ انہوں نے لڑائی کے دوران جان کا نذرانہ پیش کیا۔
علاقے میں سینیٹائزیشن آپریشن جاری
آئی ایس پی آر کے مطابق علاقے میں موجود ممکنہ دیگر دہشتگردوں کے خاتمے کے لیے سینیٹائزیشن آپریشن جاری ہے۔
سیکیورٹی فورسز نے علاقے میں کارروائی مزید آگے بڑھا دی ہے۔ آپریشن کا مقصد ممکنہ دہشت گرد عناصر کا خاتمہ ہے۔
