وفاقی حکومت نے پیٹرولیم مصنوعات کی قیمتوں میں اضافے کا اعلان کر دیا ہے، جس کے تحت پیٹرول اور ہائی اسپیڈ ڈیزل دونوں مہنگے کر دیے گئے ہیں۔
پیٹرولیم ڈویژن کی جانب سے جاری نوٹیفکیشن کے مطابق پیٹرول کی قیمت میں 5 روپے 44 پیسے فی لیٹر جبکہ ہائی اسپیڈ ڈیزل کی قیمت میں 31 روپے 5 پیسے فی لیٹر اضافہ کیا گیا ہے۔
حکومتی فیصلے کے بعد پیٹرول کی نئی قیمت 316 روپے 15 پیسے فی لیٹر جبکہ ہائی اسپیڈ ڈیزل کی نئی قیمت 354 روپے 35 پیسے فی لیٹر مقرر کر دی گئی ہے۔
اعلامیے کے مطابق نئی قیمتوں کا اطلاق رات 12 بجے سے نافذ العمل ہوگا۔ حکومت نے واضح کیا ہے کہ پیٹرولیم مصنوعات کی یہ قیمتیں 18 جولائی سے 20 جولائی 2026 تک مؤثر رہیں گی۔
پیٹرولیم مصنوعات کی قیمتوں میں اضافے سے ٹرانسپورٹ، اشیائے ضروریہ اور دیگر شعبوں پر بھی اثرات مرتب ہونے کا امکان ہے، جبکہ عوام کو ایندھن کی مد میں مزید مالی بوجھ کا سامنا کرنا پڑے گا۔
