انگلینڈ کرکٹ ٹیم کے سابق کپتان مائیک اسمیتھ 92 برس کی عمر میں انتقال کر گئے دائیں ہاتھ کے بلے باز مائیک اسمتھ نے 1958 میں انگلینڈ کرکٹ ٹیم کی جانب سے ٹیسٹ کرکٹ میں ڈیبیو کیا اور اپنے کیریئر کے دوران مجموعی طور پر 50 ٹیسٹ میچز کھیلے۔ ان میں سے 25 میچوں میں انہوں نے انگلینڈ کی قیادت بھی کی۔
فرسٹ کلاس کرکٹ میں ان کا کیریئر انتہائی شاندار رہا جہاں انہوں نے 637 میچز میں 39 ہزار 832 رنز اسکور کیے۔ وہ فرسٹ کلاس کرکٹ کی تاریخ میں سب سے زیادہ رنز بنانے والے کھلاڑیوں کی فہرست میں نمایاں مقام رکھتے ہیں۔
واروکشائر کلب نے سوشل میڈیا پر اپنے تعزیتی پیغام میں کہا کہ “واروکشائر بیئرز کے لیجنڈ ایم جے کے اسمتھ کے انتقال کی خبر سے گہرا دکھ ہوا ہے۔”
کرکٹ کے علاوہ مائیک اسمتھ نے کھیلوں کے میدان میں ایک منفرد اعزاز بھی حاصل کیا۔ انہوں نے 1964 میں انگلینڈ نیشنل رگبی یونین ٹیم کی نمائندگی کرتے ہوئے رگبی یونین میں بھی انگلینڈ کے لیے حصہ لیا۔
بعد ازاں وہ 1991 سے 1996 تک آئی سی سی کے میچ ریفری کے طور پر بھی خدمات انجام دیتے رہے۔
