پاکستان قومی ٹیم نے بنگلادیش کے خلاف دوسرے ٹیسٹ میچ کے پہلے دن عمدہ بولنگ کا مظاہرہ کرتے ہوئے میزبان ٹیم کو پہلی اننگز میں 278 رنز پر آؤٹ کر دیا، جبکہ کھیل کے اختتام تک پاکستان نے بغیر کسی نقصان کے 21 رنز بنا لیے۔
بنگلا دیش قومی ٹیم کے خلاف سلہٹ میں جاری میچ میں پاکستان نے ٹاس جیت کر پہلے فیلڈنگ کا فیصلہ کیا، جو ابتدائی مراحل میں درست ثابت ہوا۔
پاکستانی فاسٹ بولر محمد عباس نے پہلے ہی اوور میں وکٹ حاصل کرکے بنگلادیش کو دباؤ میں ڈال دیا۔ انہوں نے 44 رنز پر دوسری وکٹ بھی حاصل کی، جبکہ تیسری کامیابی خرم شہزاد کے حصے میں آئی۔
پہلے سیشن کے اختتام پر بنگلادیش نے 3 وکٹوں کے نقصان پر 101 رنز بنائے تھے، تاہم دوسرے سیشن میں بھی پاکستانی بولرز نے نپی تلی بولنگ جاری رکھی اور چائے کے وقفے تک میزبان ٹیم کے 6 کھلاڑی 168 رنز پر پویلین لوٹ چکے تھے۔
تیسرے سیشن میں Litton Das نے ذمہ دارانہ بیٹنگ کرتے ہوئے شاندار سنچری اسکور کی۔ انہوں نے 126 رنز کی عمدہ اننگز کھیل کر اپنی ٹیم کو 278 رنز تک پہنچانے میں اہم کردار ادا کیا۔
بنگلادیش کی جانب سے نجم الحسن شانتو نے 29، تنزید حسن نے 26، مشفق الرحیم نے 23، مومن الحق نے 22 جبکہ تیج الاسلام نے 16 رنز بنائے۔
پاکستان کی طرف سے خرم شہزاد نے 4 وکٹیں حاصل کیں جبکہ محمد عباس نے 3 کھلاڑیوں کو آؤٹ کیا۔ Hasan Ali نے 2 اور Sajid Khan نے ایک وکٹ حاصل کی۔
جواب میں پاکستان نے محتاط انداز میں اننگز کا آغاز کیا اور پہلے دن کے اختتام تک بغیر کسی نقصان کے 21 رنز بنائے۔ اوپنرز اذان اویس 13 اور عبداللہ فضل 8 رنز کے ساتھ کریز پر موجود ہیں۔
