Table of Contents
لاہور کی ضلع کچہری نے مسلم لیگ ن کی رہنما عظمیٰ بخاری کی جعلی وائرل ویڈیو کے مقدمے کا تحریری حکم جاری کر دیا۔
جوڈیشل مجسٹریٹ نعیم وٹو نے گزشتہ سماعت کا تحریری فیصلہ جاری کیا۔ عدالت نے شریک ملزم شہاب الدین پر فردِ جرم عائد کر دی۔
فلک جاوید کی عدالت میں پیشی کا معاملہ
تحریری حکم کے مطابق صوبائی وزیر عظمیٰ بخاری نے عدالت میں اپنا بیان ریکارڈ کرایا۔
عظمیٰ بخاری نے مؤقف اختیار کیا کہ ملزمہ فلک جاوید کا عدالت میں موجود ہونا ضروری ہے۔
فلک جاوید کے وکیل علی اشفاق نے بھی اس معاملے پر اعتراض اٹھایا۔ انہوں نے کہا کہ ملزمہ کو عدالت میں پیش نہیں کیا گیا۔
عظمیٰ بخاری نے فوری جرح کی درخواست کی
عدالت کے مطابق عظمیٰ بخاری نے بیان ریکارڈ کرانے کے بعد فوری جرح کی درخواست کی۔
عظمیٰ بخاری نے کہا کہ صوبائی وزیر کی حیثیت سے ان کی سرکاری ذمہ داریاں ہیں۔ ان کے مطابق ملزمان مقدمہ طویل کرنے کے لیے تاخیری حربے استعمال کر سکتے ہیں۔
دوسری جانب ملزمان کے وکلا نے عدالت سے التوا کی درخواست کی۔ وکلا نے مؤقف اختیار کیا کہ وہ پہلی مرتبہ التوا مانگ رہے ہیں۔
عدالت کا فریقین کو تنبیہ
سماعت کے دوران فریقین اور وکلا کے درمیان سخت جملوں کا تبادلہ بھی ہوا۔
عدالت نے تمام فریقین کو عدالتی تقدس برقرار رکھنے کی ہدایت کی۔ عدالت نے واضح کیا کہ اوپن کورٹ تک رسائی کا مطلب کارروائی میں خلل ڈالنا نہیں ہے۔
عدالت نے خبردار کیا کہ آئندہ کسی فریق نے عدالتی کارروائی میں خلل ڈالا تو پابندی عائد کی جا سکتی ہے۔
عدالت نے تمام فریقین کو 12 ستمبر کو جرح کے لیے پیش ہونے کا حکم دے دیا۔
