میکسیکو سٹی: فیفا فٹبال ورلڈ کپ 2026 کے سنسنی خیز پری کوارٹر فائنل میں انگلینڈ نے سخت مقابلے کے بعد میزبان میکسیکو کو 3-2 سے شکست دے کر کوارٹر فائنل کے لیے کوالیفائی کر لیا۔
میچ میں انگلینڈ کی جانب سے جوڈ بیلنگھم نے شاندار کارکردگی کا مظاہرہ کرتے ہوئے دو گول اسکور کیے، جبکہ ٹیم کے کپتان ہیری کین نے ایک گول کر کے اپنی ٹیم کی فتح میں اہم کردار ادا کیا۔
میزبان میکسیکو کی جانب سے کوئنونیس اور جمنیز نے ایک، ایک گول کیا، تاہم وہ اپنی ٹیم کو شکست سے نہ بچا سکے۔
مقابلے کا اہم موڑ دوسرے ہاف کے 54ویں منٹ میں آیا، جب انگلینڈ کے کھلاڑی کوناش کو خطرناک فاؤل پر ریڈ کارڈ دکھا کر میدان سے باہر بھیج دیا گیا۔ اس کے بعد انگلش ٹیم نے تقریباً پورا دوسرا ہاف صرف 10 کھلاڑیوں کے ساتھ کھیلا، لیکن دفاعی نظم و ضبط اور مؤثر جوابی حملوں کی بدولت اپنی برتری برقرار رکھنے میں کامیاب رہی۔
اس کامیابی کے ساتھ انگلینڈ نے فیفا ورلڈ کپ 2026 کے کوارٹر فائنل میں جگہ بنا لی، جہاں اس کا مقابلہ ناروے سے ہوگا۔
ناروے نے پری کوارٹر فائنل کے ایک اور بڑے اپ سیٹ میں پانچ مرتبہ کی عالمی چیمپئن برازیل کو شکست دے کر ٹورنامنٹ سے باہر کر دیا تھا، جس کے بعد انگلینڈ اور ناروے کے درمیان کوارٹر فائنل کو ایونٹ کے اہم ترین مقابلوں میں شمار کیا جا رہا ہے۔
