ایران فٹبال فیڈریشن نے اعلان کیا ہے کہ ایرانی قومی فٹ بال ٹیم آئندہ عالمی کپ میں شرکت کرے گی، تاہم اس کے لیے میزبان ممالک کے سامنے 10 اہم شرائط رکھ دی گئی ہیں۔
ایرانی فٹ بال حکام کے مطابق FIFA World Cup 2026 میں شرکت ایران کا حق ہے، لیکن ایرانی وفد کے احترام، سلامتی اور قومی شناخت کے تحفظ کے لیے بعض ضمانتیں ضروری ہیں۔
ایرانی فٹ بال فیڈریشن نے اپنے بیان میں کہا ہے کہ ایران عالمی کپ میں ضرور شریک ہوگا مگر اپنے عقائد، ثقافت اور قومی نظریات پر کسی قسم کا سمجھوتا نہیں کرے گا۔
فیڈریشن کے صدر Mehdi Taj نے سرکاری ذرائع ابلاغ سے گفتگو کرتے ہوئے بتایا کہ ایران نے میزبان ممالک United States، Canada اور Mexico کو اپنی شرائط سے آگاہ کر دیا ہے۔
ان شرائط میں ایرانی کھلاڑیوں، کوچنگ عملے اور حکام کے لیے بروقت ویزوں کا اجرا، قومی پرچم اور قومی ترانے کا احترام، ہوائی اڈوں، ہوٹلوں اور کھیل کے میدانوں تک مکمل سیکیورٹی کی فراہمی شامل ہے۔
رپورٹس کے مطابق یہ معاملہ اس وقت زیادہ حساس ہوگیا جب گزشتہ ماہ کینیڈا نے ایرانی فٹ بال فیڈریشن کے صدر مہدی تاج کو ایک بین الاقوامی اجلاس میں شرکت کے لیے ملک میں داخلے کی اجازت دینے سے انکار کر دیا تھا۔
دوسری جانب Marco Rubio نے کہا ہے کہ ایرانی فٹ بال کھلاڑیوں کو عالمی کپ میں خوش آمدید کہا جائے گا، تاہم ایسے افراد پر پابندی عائد کی جا سکتی ہے جن کا تعلق ایرانی انقلابی محافظ دستوں سے ہو۔
ادھر Gianni Infantino نے اس بات کا اعادہ کیا ہے کہ ایرانی ٹیم کے میچ طے شدہ پروگرام کے مطابق ہی ہوں گے۔
ایرانی ٹیم عالمی کپ کے دوران امریکی ریاست ایریزونا کے شہر توسان میں قیام کرے گی جبکہ گروپ مرحلے میں اسے New Zealand، Belgium اور Egypt کا سامنا کرنا ہوگا۔
