انٹرنیشنل کرکٹ کونسل (آئی سی سی) کی جانب سے جاری کردہ تازہ ترین ٹیسٹ رینکنگ میں انگلینڈ کے نوجوان بیٹر ہیری بروک نے شاندار پیش رفت کرتے ہوئے دنیا کے نمبر ایک ٹیسٹ بیٹر کا اعزاز حاصل کر لیا ہے۔ انہوں نے اپنے ہی ہم وطن اور سابق انگلش کپتان جو روٹ کو پیچھے چھوڑتے ہوئے رینکنگ کی پہلی پوزیشن پر قبضہ جما لیا۔
بدھ کو جاری ہونے والی رینکنگ کے مطابق آسٹریلیا کے ٹریوس ہیڈ ایک درجہ ترقی کے بعد دوسرے نمبر پر پہنچ گئے ہیں، جبکہ جو روٹ دو درجے تنزلی کے بعد تیسرے نمبر پر چلے گئے۔ آسٹریلیا کے تجربہ کار بلے باز اور سابق کپتان اسٹیو اسمتھ چوتھی پوزیشن پر برقرار ہیں۔
بیٹنگ رینکنگ میں جنوبی افریقا کے کپتان Temba Bavuma ٹیمبا باووما ساتویں نمبر پر ہیں، جبکہ بھارت کے کپتان Shubman Gill شبمن گل دو درجے ترقی کے بعد آٹھویں پوزیشن پر پہنچ گئے ہیں۔ بھارتی اوپنر Yashasvi Jaiswal یشسوی جیسوال ایک درجہ تنزلی کے بعد نویں اور سری لنکا کے Dinesh Chandimal دنیش چندیمل دسویں نمبر پر آ گئے ہیں۔
سری لنکا کے بلے باز Kamindu Mendis کمنڈو مینڈس ایک درجہ ترقی کے بعد پانچویں نمبر پر آ گئے ہیں، جبکہ نیوزی لینڈ کے سابق کپتان Kane Williamson کین ولیمسن ایک درجہ تنزلی کے بعد چھٹے نمبر پر موجود ہیں۔
بولرز کی رینکنگ میں بھارت کے Jasprit Bumrah جسپریت بمراہ بدستور پہلی پوزیشن پر براجمان ہیں۔ آسٹریلیا کے Mitchell Starc مچل اسٹارک دوسرے جبکہ آسٹریلوی کپتان Pat Cummins پیٹ کمنز تیسرے نمبر پر موجود ہیں۔
جنوبی افریقا کے Marco Jansen مارکو جینسن، آسٹریلیا کے Scott Boland اسکاٹ بولینڈ اور پاکستان کے Noman Ali نعمان علی نے ایک ایک درجہ ترقی حاصل کرتے ہوئے بالترتیب چوتھی، پانچویں اور چھٹی پوزیشن سنبھال لی ہے۔
تازہ رینکنگ میں ہیری بروک کی نمبر ایک پوزیشن اور نعمان علی کی ٹاپ 6 بولرز میں شمولیت کرکٹ شائقین کے لیے اہم پیش رفت قرار دی جا رہی ہے، جبکہ مختلف ٹیموں کے کھلاڑیوں کی درجہ بندی میں نمایاں تبدیلیاں آئندہ ٹیسٹ سیریز کے لیے بھی دلچسپی کا باعث بنیں گی۔
نیوزی لینڈ کے Matt Henry میٹ ہینری تین درجے تنزلی کے بعد ساتویں نمبر پر چلے گئے ہیں، جبکہ جنوبی افریقا کے Kagiso Rabada کگیسو رباڈا آٹھویں اور آسٹریلیا کے Josh Hazlewood جوش ہیزل ووڈ نویں پوزیشن پر برقرار ہیں۔ انگلینڈ کے فاسٹ بولر Gus Atkinson گس ایٹکنسن سات درجے ترقی کے بعد پہلی بار ٹاپ 10 میں شامل ہوتے ہوئے دسویں نمبر پر پہنچ گئے ہیں۔
