چینی صدر شی جی پنگ نے امریکی صدر ڈونلڈ ٹرمپ کو خبردار کیا ہے کہ تائیوان کے معاملے پر غلط رویہ دونوں ممالک کے تعلقات کو خطرناک راستے پر ڈال سکتا ہے اور یہ تنازع کی شکل بھی اختیار کر سکتا ہے۔
عالمی میڈیا کے مطابق یہ بات بیجنگ میں ہونے والے دو روزہ سربراہی اجلاس کے آغاز میں بند کمرہ ملاقات کے دوران کہی گئی، جو دو گھنٹے سے زائد جاری رہی
چینی صدر Xi Jinping نے کہا کہ اگر تائیوان کے مسئلے کو مناسب طریقے سے نہ سنبھالا گیا تو اس کے سنگین نتائج نکل سکتے ہیں۔ چینی وزارت خارجہ کے مطابق یہ بیان اس ملاقات میں دیا گیا جو بظاہر دوستانہ ماحول میں ہوئی، تاہم اس حساس معاملے پر سخت پیغام بھی شامل تھا۔
رپورٹ کے مطابق امریکی وزیر خارجہ Marco Rubio نے بعد میں تصدیق کی کہ تائیوان کے مسئلے پر بات ہوئی ہے، تاہم دونوں ممالک نے اپنے اپنے مؤقف واضح کیے اور پھر دیگر امور پر گفتگو جاری رکھی۔
دوسری جانب امریکی فریق کی بریفنگ میں تائیوان کا تفصیلی ذکر شامل نہیں تھا، تاہم ملاقات میں تجارتی امور اور اقتصادی تعاون پر پیش رفت کو زیادہ نمایاں کیا گیا۔
