ڈونلڈ ٹرمپ نے Russia اور Ukraine کے درمیان 3 روزہ جنگ بندی کا اعلان کرتے ہوئے کہا ہے کہ دونوں ممالک ایک، ایک ہزار قیدیوں کا تبادلہ بھی کریں گے۔
امریکی صدر نے سماجی رابطے کے پلیٹ فارم ٹرتھ سوشل پر جاری بیان میں کہا کہ 9، 10 اور 11 مئی کے دوران جنگ بندی نافذ رہے گی۔ ان کے مطابق اس دوران تمام فوجی کارروائیاں معطل رہیں گی۔
ڈونلڈ ٹرمپ نے کہا کہ روس میں یومِ فتح کی تقریبات منائی جا رہی ہیں، تاہم یوکرین نے بھی دوسری جنگِ عظیم میں اہم کردار ادا کیا تھا۔
انہوں نے بتایا کہ قیدیوں کے تبادلے کے تحت دونوں ممالک ایک، ایک ہزار جنگی قیدیوں کو رہا کریں گے۔ امریکی صدر کے مطابق یہ درخواست براہِ راست ان کی جانب سے کی گئی تھی، جس پر Vladimir Putin اور Volodymyr Zelenskyy نے اتفاق کیا۔
ڈونلڈ ٹرمپ نے دونوں رہنماؤں کا شکریہ ادا کرتے ہوئے کہا کہ امید ہے یہ پیش رفت طویل اور خونریز جنگ کے خاتمے کی ابتدا ثابت ہوگی۔ ان کے مطابق جنگ کے مستقل حل کے لیے مذاکرات بھی جاری ہیں۔
انہوں نے دعویٰ کیا کہ ہر گزرتے دن کے ساتھ فریقین تنازع کے حل کے مزید قریب پہنچ رہے ہیں۔
واضح رہے کہ روس نے فروری 2022 میں یوکرین پر فوجی حملہ کیا تھا، جس کے بعد جاری جنگ میں دونوں جانب کے سیکڑوں فوجی اور ہزاروں شہری ہلاک ہو چکے ہیں، جبکہ بڑی تعداد میں لوگ بے گھر بھی ہوئے۔
روس میں ہر سال 9 مئی کو نازی جرمنی پر سوویت فتح کی یاد میں فوجی پریڈ منعقد کی جاتی ہے، جسے Vladimir Putin اپنی سیاسی حکمتِ عملی اور قومی بیانیے کا اہم حصہ قرار دیتے ہیں۔
