امریکہ کی میزبانی میں Israel اور Lebanon کے درمیان دو روزہ امن مذاکرات 14 اور 15 مئی کو منعقد ہوں گے۔
United States Department of State کے مطابق مذاکرات میں جامع امن معاہدے سے متعلق امور پر بات چیت کی جائے گی۔ ان مذاکرات میں لبنان کی خودمختاری، سرحدی تعین، علاقائی سلامتی اور سکیورٹی معاملات خصوصی طور پر زیرِ بحث آئیں گے۔
امریکی حکام کے مطابق مذاکرات کا مقصد مشرقِ وسطیٰ میں دیرپا امن اور استحکام کا قیام ہے۔ بیان میں کہا گیا ہے کہ Hezbollah کو غیر مسلح کرنا امن کے لیے ضروری تصور کیا جا رہا ہے، جبکہ لبنان میں ریاستی رٹ کی بحالی کو ممکنہ امن معاہدے کی بنیادی شرط قرار دیا گیا ہے۔
مذاکرات میں لبنان کی تعمیرِ نو، انسانی امداد کی فراہمی اور متاثرہ علاقوں تک رسائی کے معاملات پر بھی غور کیا جائے گا۔
امریکا نے کہا ہے کہ وہ دونوں ممالک کے مفادات میں توازن قائم رکھنے کے لیے ثالثی کا کردار ادا کرے گا، جبکہ اسرائیل اور لبنان نے قومی مفاد کے تحت مذاکراتی عمل جاری رکھنے پر اتفاق کیا ہے۔
سفارتی مبصرین کے مطابق یہ مذاکرات دہائیوں سے جاری کشیدگی اور سرحدی تنازع کے خاتمے کی جانب ایک اہم پیش رفت سمجھے جا رہے ہیں۔
