طورخم: پاکستان سے افغان شہریوں کی وطن واپسی کا سلسلہ بدستور جاری ہے، جہاں گزشتہ روز طورخم بارڈر کے ذریعے مجموعی طور پر 3,790 افغان شہری اپنے وطن افغانستان روانہ ہوئے۔
ذرائع کے مطابق سب سے زیادہ 1,834 افغان شہریوں کو لنڈی کوتل کے حمزہ بابا ہولڈنگ سینٹر سے افغانستان بھیجا گیا۔ اسی طرح جمعہ خان کیمپ سے 838، اضا خیل کیمپ سے 448، کوہاٹ کیمپ سے 329 اور نوشہرہ کیمپ سے 171 افغان شہریوں کی واپسی مکمل کی گئی۔
مزید برآں ناگمان کیمپ سے 135، ہری پور کیمپ سے 18، صوابی سے 8 جبکہ ضلع خیبر کے جمرود سے 9 افغان شہریوں کو طورخم بارڈر کے ذریعے افغانستان روانہ کیا گیا۔
ذرائع کے مطابق افغان شہریوں کی مرحلہ وار وطن واپسی کا عمل حکومتی پالیسی کے تحت جاری ہے، جبکہ مختلف ہولڈنگ سینٹرز میں رجسٹریشن، دستاویزی کارروائی اور دیگر انتظامات مکمل کرنے کے بعد انہیں طورخم سرحد کے راستے اپنے ملک بھیجا جا رہا ہے۔
