12 جولائی کو امریکی فوج نے ایران کے خلاف نئی فوجی کارروائی کرتے ہوئے آبنائے ہرمز کے اطراف ایرانی میزائل اور فضائی دفاعی نظام کو متعدد حملوں میں نشانہ بنایا۔
رائٹرز کے مطابق امریکی حکام کا کہنا ہے کہ کارروائی کے دوران ایران کی پاسداران انقلاب (IRGC) سے وابستہ کئی تیز رفتار اسپیڈ بوٹس کو بھی آبنائے ہرمز کے نزدیک مختلف مقامات پر نشانہ بنایا گیا۔
امریکی حکام کے مطابق ان حملوں کا مقصد خطے میں امریکی اور اتحادی مفادات کو درپیش خطرات کو کم کرنا اور اہم بحری گزرگاہ میں سکیورٹی کو یقینی بنانا ہے۔
یہ کارروائی ایسے وقت میں سامنے آئی ہے جب مشرقِ وسطیٰ میں کشیدگی مسلسل بڑھ رہی ہے اور آبنائے ہرمز عالمی توانائی کی ترسیل اور بین الاقوامی بحری تجارت کے حوالے سے انتہائی حساس خطہ بنا ہوا ہے۔
تاحال ایرانی حکام کی جانب سے امریکی حملوں کے حوالے سے کوئی باضابطہ ردعمل سامنے نہیں آیا، جبکہ خطے کی صورتحال پر عالمی برادری کی گہری نظر ہے۔
