نیویارک: نائب وزیراعظم اور وزیر خارجہ سینیٹر محمد اسحاق ڈار اقوام متحدہ کی جنرل اسمبلی کے 81ویں اجلاس میں شرکت کے لیے نیویارک پہنچ گئے ہیں۔
دفتر خارجہ کے مطابق نیویارک پہنچنے پر پاکستانی حکام نے ان کا استقبال کیا۔
ان میں اقوام متحدہ میں پاکستان کے مستقل مندوب سفیر عاصم افتخار احمد شامل تھے۔ امریکا میں پاکستان کے سفیر رضوان سعید شیخ بھی استقبال کے لیے موجود تھے۔
قونصل جنرل نیویارک عامر احمد عٹوزئی اور پاکستان کے اقوام متحدہ مشن کے افسران بھی موجود تھے۔
اسحاق ڈار کی مصروفیات
دفتر خارجہ کے مطابق اسحاق ڈار کا آئندہ ہفتے مصروف پروگرام ہے۔
وہ مختلف وزارتی فورمز میں شرکت کریں گے۔ ان ملاقاتوں میں پاکستان کے اہم علاقائی اور عالمی امور پر مؤقف پیش کیا جائے گا۔
اسحاق ڈار مختلف ممالک کے وزرائے خارجہ سے بھی دوطرفہ ملاقاتیں کریں گے۔
وہ وزیراعظم محمد شہباز شریف کے ہمراہ مختلف اعلیٰ سطحی سرگرمیوں میں بھی شریک ہوں گے۔
اقوام متحدہ میں پاکستان کا مؤقف
دفتر خارجہ کے مطابق اسحاق ڈار اقوام متحدہ کے ایجنڈے سے متعلق اہم امور پر پاکستان کا مؤقف اجاگر کریں گے۔
ان میں دوطرفہ، علاقائی اور بین الاقوامی ترجیحات شامل ہیں۔
اقوام متحدہ کی 81ویں جنرل اسمبلی کا ہائی لیول جنرل ڈیبیٹ 22 سے 26 ستمبر اور 28 ستمبر کو ہوگا۔
دفتر خارجہ کے مطابق پاکستان علاقائی اور عالمی امن، سفارت کاری اور اہم بین الاقوامی معاملات پر اپنا مؤقف پیش کرے گا۔
