فرانس نے کراچی میں قونصل خانہ مستقل طور پر بند کردیا، پرچم بھی اتار دیے گئے

کراچی: کراچی میں فرانس کا قونصل خانہ مستقل طور پر بند کردیا گیا ہے۔

فرانسیسی قونصل خانے نے اس حوالے سے باضابطہ اعلان کیا ہے۔ قونصل خانے نے کراچی کے لیے ’الوداع کراچی‘ کا پیغام بھی جاری کیا۔

قونصل خانے نے اپنے دوستوں اور شراکت داروں کا شکریہ ادا کیا۔ اس موقع پر فرانس اور یورپی یونین کے پرچم بھی قونصل خانے سے اتار دیے گئے۔

قونصل جنرل نے پہلے ہی آگاہ کردیا تھا

واضح رہے کہ فرانس نے جولائی میں قونصل خانہ بند کرنے کا فیصلہ کیا تھا۔

کراچی میں تعینات فرانس کے قونصل جنرل الیگژز نے اس حوالے سے آگاہ کیا تھا۔ انہوں نے فرانس کے قومی دن کے موقع پر منعقدہ تقریب سے خطاب کیا تھا۔

قونصل جنرل نے بتایا تھا کہ فرانسیسی حکومت نے بجٹ کی وجوہات کی بنا پر یہ فیصلہ کیا ہے۔

اب کراچی میں فرانسیسی قونصل خانے کی مستقل بندش پر عمل درآمد کردیا گیا ہے۔