سابق ایرانی صدر احمدی نژاد سے متعلق حیران کن دعوے، اسرائیلی رابطوں کی غیر مصدقہ رپورٹ سامنے آگئی

ایران کے سابق صدر محمود احمدی نژاد سے متعلق ایک غیر مصدقہ رپورٹ میں دعویٰ کیا گیا ہے کہ اسرائیل نے مبینہ طور پر انہیں مستقبل میں ایران کی قیادت کے لیے تیار کرنے کی کوشش کی اور اس سلسلے میں ان کے اسرائیلی خفیہ ادارے موساد کے سربراہ سے رابطوں کا بھی ذکر کیا گیا ہے۔

ٹائم آف اسرائیل کی نیوز ویب سائٹ پر جاری رپورٹ میں دعویٰ کیا گیا ہے کہ محمود احمدی نژاد نے مبینہ طور پر ہنگری میں موساد کے سربراہ سے ملاقات کی، جبکہ بعد ازاں انہیں ایک محفوظ مقام پر منتقل کیا گیا۔ رپورٹ میں یہ بھی کہا گیا ہے کہ بعد میں وہ اس منصوبے سے الگ ہوگئے اور ان کی موجودہ حیثیت غیر واضح ہے۔

مزید دعویٰ کیا گیا ہے کہ احمدی نژاد حالیہ برسوں میں ایرانی قیادت پر تنقید کرتے رہے اور خود کو اصلاح پسند رہنما کے طور پر پیش کرنے کی کوشش کر رہے تھے۔