واشنگٹن: امریکی صدر ڈونلڈ ٹرمپ نے کہا ہے کہ ایران نے امریکا سے مذاکرات کا سلسلہ جاری رکھنے کی درخواست کی ہے، جس پر امریکا نے آمادگی ظاہر کر دی ہے۔
اپنے بیان میں صدر ٹرمپ نے کہا کہ امریکا نے ایران کو دوٹوک انداز میں واضح کر دیا ہے کہ جنگ بندی اب ختم ہو چکی ہے اور موجودہ صورتحال میں اس حقیقت کو مدنظر رکھتے ہوئے ہی آئندہ پیش رفت ہوگی۔
ڈونلڈ ٹرمپ نے کہا، "ایران نے ہم سے بات چیت جاری رکھنے کی درخواست کی ہے، ہم نے اس پر اتفاق کیا ہے، تاہم ہم نے انہیں واضح الفاظ میں بتا دیا ہے کہ جنگ بندی ختم ہو چکی ہے۔”
امریکی صدر نے اپنے بیان میں مذاکرات کے ممکنہ ایجنڈے، مقام یا وقت کے حوالے سے مزید تفصیلات فراہم نہیں کیں۔
یہ بیان ایسے وقت میں سامنے آیا ہے جب ایران اور امریکا کے درمیان حالیہ کشیدگی کے باعث خطے کی صورتحال غیر یقینی کا شکار ہے، جبکہ سفارتی ذرائع دونوں ممالک کے درمیان ممکنہ رابطوں اور مذاکرات پر گہری نظر رکھے ہوئے ہیں۔
