بیروت: حزب اللہ نے دعویٰ کیا ہے کہ ایران نے امریکا کے ساتھ جاری جوہری مذاکرات کے اگلے مرحلے میں لبنان سے اسرائیلی افواج کے انخلا کا مطالبہ شامل کرنے کی یقین دہانی کرائی ہے۔
بیان کے مطابق اس معاملے کو امریکہ اور ایران کے درمیان جاری مذاکراتی فریم ورک کا حصہ بنایا جائے گا، جو حالیہ مفاہمتی یادداشت کے بعد مزید آگے بڑھایا جا رہا ہے۔
عالمی میڈیا کو دیے گئے بیان میں Hezbollah کے میڈیا تعلقات کے دفتر نے کہا کہ انہیں ایران کی جانب سے یہ یقین دہانی ملی ہے کہ آئندہ مذاکراتی مرحلے میں لبنان سے اسرائیلی فوج کے انخلا کا مسئلہ باضابطہ طور پر اٹھایا جائے گا۔
حزب اللہ کا کہنا ہے کہ United States اور Iran کے درمیان کسی بھی ممکنہ جوہری معاہدے کی تکمیل اس وقت تک ممکن نہیں جب تک لبنان سے اسرائیلی افواج کا انخلا نہ ہو جائے۔
گروپ کے مطابق اسرائیلی افواج کی موجودگی خطے میں کشیدگی کی بنیادی وجہ ہے، اور اسی مسئلے کو مذاکرات کے مرکزی ایجنڈے میں شامل کرنا ضروری ہے۔
حزب اللہ کے اس بیان نے خطے میں جاری سفارتی اور عسکری صورتحال کو مزید پیچیدہ بنا دیا ہے۔ حالیہ ہفتوں میں امریکہ، ایران اور دیگر علاقائی فریقین کے درمیان جاری مذاکرات پر عالمی توجہ مرکوز ہے۔
تجزیہ کاروں کے مطابق اگر یہ مؤقف مذاکراتی ایجنڈے کا حصہ بنتا ہے تو یہ نہ صرف لبنان بلکہ پورے مشرق وسطیٰ میں طاقت کے توازن پر اثر انداز ہو سکتا ہے۔
