لندن: برطانوی شاہی خاندان کے سینئر اراکین ہفتے کے روز جنوب مغربی انگلینڈ کے ایک گاؤں میں جمع ہوئے جہاں Peter Phillips اور Harriet Sperling کی شادی کی تقریب منعقد ہوئی۔
غیر ملکی خبر رساں ادارے کے مطابق شادی کی نجی تقریب سرینسٹر کے قریب واقع گاؤں کیمبل کے آل سینٹس چرچ میں منعقد ہوئی، جہاں شاہی خاندان کے متعدد افراد نے شرکت کی۔
تقریب میں پیٹر فلپس کی والدہ Princess Anne اپنے شوہر Timothy Laurence کے ہمراہ موجود تھیں، جبکہ برطانیہ کے بادشاہ King Charles III اور ملکہ Queen Camilla بھی شریک ہوئے۔
شاہی تقریب میں ولی عہد Prince William اور ان کی اہلیہ Catherine, Princess of Wales نے بھی شرکت کی۔ اس کے علاوہ شہزادیاں Princess Beatrice اور Princess Eugenie بھی تقریب میں موجود تھیں۔
پیٹر فلپس برطانیہ کی مرحوم ملکہ Elizabeth II کے سب سے بڑے پوتے ہیں اور شاہی جانشینی کی فہرست میں ان کا 19واں نمبر ہے۔ اگرچہ وہ شاہی خاندان سے تعلق رکھتے ہیں، تاہم وہ کوئی سرکاری شاہی فرائض انجام نہیں دیتے اور کھیلوں کے انتظامی شعبے سے وابستہ ہیں۔
دوسری جانب ہیریئٹ اسپرلنگ پیشے کے اعتبار سے بچوں کی نرس ہیں۔ شادی کی تقریب نجی نوعیت کی تھی تاہم شاہی خاندان کے نمایاں افراد کی شرکت نے اسے برطانوی میڈیا اور عوامی توجہ کا مرکز بنا دیا۔
