لاہور کی انسداد دہشت گردی عدالت نے آزادکشمیر قانون سازاسمبلی کے رکن اور تحریک انصاف کے رہنما غلام محی الدین دیوان کا 10 روزہ جسمانی ریمانڈ منظور کرلیاگذشتہ روزشناخت پریڈ مکمل ہونے کے بعد غلام محی الدین دیوان کو انسداد دہشت گردی عدالت میں پیش کیاگیاجہاں انسداد دہشت گردی کی عدالت کے جج منظر علی گل نے کیس کی سماعت کی تھی
اس موقع پر رکن اسمبلی غلام محی الدین دیوان کے وکیل میاں علی اشفاق نے موقف اختیارکیاکہ میرے موکل کو جن الزامات کے تحت گرفتار کیاگیا وہی پرانے ہیں جو عدالت میں ثابت نہیں ہوسکے اور غلام محی الدین دیوان کی عدالت نے ضمانت کنفرم کردی ہے انکا مزید کہناتھاکہ اب چونکہ آزادکشمیراسمبلی کے انتخابات قریب آرہے ہیں اور غلام محی الدین دیوان کو سیاسی انتقام کا نشانہ بنایاجارہاہے تاکہ انکی سیاسی وفاداری کو تبدیل کیاجاسکے لہذا پولیس کو مزید ریمانڈنہ دیاجائے
دوسری طرف پولیس کا موقف تھاکہ ملزم کو شیر پاؤ پل پر تقاریر و جلاؤ گھیراؤ کیس میں گرفتار کیا گیا گیا ہے اور غلام محی الدین دیوان کی شناخت ہوچکی ہے۔
دوطرفہ دلائل کے بعد،عدالت نے غلام محی الدین دیوان کا10روزہ جسمانی ریمانڈ منظورکرتے ہوئے 13 جون کو دوبارہ پیش کرنے کا حکم دے دیا۔
