اسلام آباد: پاکستان پیپلزپارٹی نے آزاد جموں و کشمیر قانون ساز اسمبلی کے انتخابات 2026 کے لیے اپنے امیدواروں کے ناموں کا باضابطہ اعلان کر دیا ہے۔ پارٹی نے میرپور، بھمبر، کوٹلی، باغ، پونچھ، مظفرآباد، وادی نیلم، جموں اور ویلی کی مختلف نشستوں پر امیدواروں کو انتخابی ٹکٹ جاری کر دیے ہیں۔
پارٹی کے اعلان کے مطابق ایل اے-1 میرپور 1 سے افسر شاہد، ایل اے-2 میرپور 2 (چکسواری) سے قاسم مجید، ایل اے-3 میرپور شہر سے یاسر سلطان اور ایل اے-4 کھڑی شریف سے چوہدری صہیب ارشد کو امیدوار نامزد کیا گیا ہے، جبکہ ایل اے-5 بھمبر 1 سے چوہدری پرویز اشرف انتخاب لڑیں گے۔
کوٹلی کے حلقوں میں ملک ظفر (ایل اے-8)، جاوید اقبال بھڈھانوی (ایل اے-9)، چوہدری یاسین (ایل اے-10)، چوہدری اخلاق (ایل اے-11) اور چوہدری یاسین (ایل اے-12 چرہوئی) کو پارٹی ٹکٹ جاری کیا گیا ہے۔
باغ اور پونچھ ڈویژن میں سردار قمر زمان، فیصل ممتاز راٹھور، سردار امجد یوسف، سردار سعود صادق، سردار یعقوب اور سردار محمد عابد خان کو مختلف حلقوں سے امیدوار نامزد کیا گیا ہے، جبکہ ایل اے-24 بلوچ سے سردار فہیم اختر ربانی بھی پارٹی کے امیدوار ہوں گے۔
مظفرآباد اور وادی نیلم کے حلقوں میں میاں عبد الوحید، سردار جاوید ایوب، سید بازل نقوی، سردار مختار احمد خان، مباشر منیر اعوان، اشفاق ظفر اور دیوان علی چغتائی کو انتخابی میدان میں اتارا گیا ہے۔
اوورسیز اور مہاجر نشستوں پر بھی پیپلزپارٹی نے اپنے امیدواروں کا اعلان کر دیا ہے۔ ایل اے-34 جموں 1 سے کرنل (ر) قدیر چوہان، ایل اے-35 جموں 2 سے چوہدری آصف گجر، ایل اے-36 جموں 3 سے چوہدری احسن اسماعیل گجر، ایل اے-37 جموں 4 سے شاہین کوثر ڈار، ایل اے-38 جموں 5 سے راجہ شاہد اقبال ایڈووکیٹ اور ایل اے-39 جموں 6 سے چوہدری فخر زمان کو پارٹی ٹکٹ جاری کیا گیا ہے۔
اسی طرح ایل اے-40 ویلی 1 (کراچی) سے عامر عبدالغفار لون، ایل اے-41 ویلی 2 (لاہور) سے غلام عباس میر، ایل اے-43 ویلی 4 (راولپنڈی) سے جاوید بٹ، ایل اے-44 ویلی 5 (راولپنڈی، اسلام آباد، اٹک) سے محمد راشد اسلام بٹ اور ایل اے-45 ویلی 6 (خیبر پختونخوا) سے عبدالمجید خان کو پارٹی امیدوار نامزد کیا گیا ہے۔
پاکستان پیپلزپارٹی کی جانب سے امیدواروں کے اعلان کے بعد آزاد جموں و کشمیر میں انتخابی سرگرمیوں میں مزید تیزی آنے کا امکان ہے، جبکہ مختلف سیاسی جماعتیں بھی اپنے امیدواروں کی حتمی فہرستیں جاری کر رہی ہیں۔
