پاکستان کرکٹ بورڈ کے چئیرمین محسن نقوی کو بھارت میں ہونے والی انٹرنیشنل کرکٹ کونسل بورڈ میٹنگ اور انڈین پریمئیر لیگ فائنل کے لیے باضابطہ دعوت نامہ موصول ہو گیا ہے۔
رپورٹس کے مطابق آئی سی سی کے اجلاس رواں ماہ دو مراحل میں منعقد ہوں گے۔ پہلا اجلاس چیف ایگزیکٹو کمیٹی کا 21 مئی کو آن لائن ہوگا، جبکہ بورڈ میٹنگ 30 اور 31 مئی کو احمد آباد میں منعقد کی جائے گی۔
اجلاس میں آئی سی سی ورلد ٹیسٹ چیمپئین شپ کے فارمیٹ میں ممکنہ تبدیلیوں پر غور کیا جائے گا۔ موجودہ نظام کے تحت ہر سیریز میں کم از کم دو ٹیسٹ میچز کھیلنا لازمی ہے، تاہم نئے مجوزہ فارمیٹ پر مختلف آپشنز زیرِ بحث آئیں گے۔
ذرائع کے مطابق اجلاس میں زمباوے،آئرلینڈ اور افغانستان کو ورلڈ ٹیسٹ چیمپئن شپ میں شامل کرنے کی تجویز بھی پیش کی جائے گی، جس سے ٹورنامنٹ میں شریک ٹیموں کی تعداد بڑھ سکتی ہے۔
پاکستان کرکٹ بورڈ کی نمائندگی چیئرمین محسن نقوی کریں گے، تاہم ان کی بھارت روانگی سے متعلق حتمی فیصلہ وزیرِ اعظم کی منظوری سے مشروط ہوگا۔
