چینی وزیر خارجہ نے وانگ یی نے پاکستان وزیر خارجہ اسحاق ڈار سے ٹیلیفونک گفتگو میں پاکستان پر زور دیا ہے کہ وہ ایران اور امریکہ کے درمیان جاری سفارتی ثالثی کی کوششوں کو مزید تیز کرے۔
چینی سرکاری خبر ایجنسی کے مطابق دونوں وزرائے خارجہ کے درمیان ہونے والی گفتگو میں خطے کی مجموعی صورتحال، مشرق وسطیٰ میں بڑھتی کشیدگی اور Strait of Hormuz سے متعلق معاملات پر تبادلہ خیال کیا گیا۔
چینی وزیر خارجہ وانگ یی نے کہا کہ پاکستان آبنائے ہرمز کھولنے اور خطے میں استحکام کی بحالی کے لیے فعال کردار ادا کرے۔ انہوں نے اس امید کا اظہار بھی کیا کہ اسلام آباد اعتماد کے ساتھ اپنی سفارتی کوششیں جاری رکھے گا اور خطے میں امن کے قیام میں مؤثر کردار ادا کرے گا۔
حالیہ ہفتوں میں ایران، امریکا اور اسرائیل کے درمیان کشیدگی کے باعث آبنائے ہرمز عالمی توجہ کا مرکز بنی ہوئی ہے، جہاں توانائی کی ترسیل اور بحری تجارت متاثر ہونے کے خدشات مسلسل بڑھ رہے ہیں۔
