پاکستانی سفیر عاطف شریف میاں نے سوڈان کے صدر عبدالفتاح البرہان کو اسناد پیش کر دیں

رپورٹ: سید فرزند علی

پاکستان کے نان ریزیڈنٹ سفیر برائے سوڈان عاطف شریف میاں نے خرطوم میں اپنی اسنادِ تقرری پیش کر دیں۔

انہوں نے یہ اسناد سوڈان کی خودمختار کونسل کے صدر جنرل عبدالفتاح البرہان کو پیش کیں۔

یہ تقریب خرطوم کے صدارتی محل میں منعقد ہوئی۔ عاطف شریف میاں نے اسے اپنے لیے ایک باوقار موقع قرار دیا۔

سوڈان کے ساتھ پاکستان کی یکجہتی

عاطف شریف میاں نے حکومتِ پاکستان کی جانب سے سوڈان کے ساتھ مکمل یکجہتی کا اظہار کیا۔

انہوں نے کہا کہ پاکستان سوڈان کے اتحاد اور علاقائی سالمیت کی حمایت کرتا ہے۔

پاکستان پائیدار امن اور قومی ہم آہنگی کی بحالی کے لیے سوڈانی حکومت کی کوششوں کی بھی حمایت کرتا ہے۔

دوطرفہ تعاون مزید مضبوط بنانے کا عزم

پاکستان سوڈان کے ساتھ باہمی طور پر سودمند تعاون کو مزید فروغ دینا چاہتا ہے۔

عاطف شریف میاں کے مطابق دونوں ممالک کے درمیان اہم شعبوں میں تعاون کو مزید مستحکم کیا جائے گا۔