محمد بن سلمان نے باب المندب کی بندش ختم کرانے کے لیے اسرائیل سے مدد مانگی، اسرائیلی اخبار کا دعویٰ

ایک اسرائیلی اخبار نے دعویٰ کیا ہے کہ سعودی ولی عہد محمد بن سلمان نے باب المندب کی بندش ختم کروانے کے لیے اسرائیل سے انٹیلی جنس معاونت طلب کی ہے۔

اخبار کے مطابق سعودی ولی عہد نے یمن جنگ میں خطے کے دیگر ممالک کے ساتھ اسرائیل سے بھی بالواسطہ مدد مانگی ہے۔

سعودی عرب نے مختلف ذرائع سے رابطے کیے

اسرائیلی اخبار کے مطابق سعودی عرب نے اسرائیل اور دیگر خلیجی ممالک سے براہِ راست رابطہ کیا ہے۔

سعودی عرب نے امریکی سینٹرل کمانڈ کے ذریعے بھی بالواسطہ رابطے کیے۔ ان رابطوں میں انٹیلی جنس اور دیگر معاونت طلب کی گئی ہے۔

امریکی انکار سے سعودی عرب مشکل میں، اسرائیلی اخبار

اخبار نے دعویٰ کیا کہ انصار اللہ کے خلاف حملوں میں امریکا کی جانب سے انکار نے سعودی عرب کو مشکل صورتحال سے دوچار کر دیا ہے۔

رپورٹ کے مطابق سعودی عرب کو متعدد محاذوں سے حملوں کا سامنا ہے۔

اخبار کا مزید کہنا ہے کہ ان حملوں کے باعث سعودی عرب کے برآمدی راستے بھی متاثر ہو رہے ہیں۔