ویب ڈیسک: فیفا ورلڈ کپ 2026 کے راؤنڈ آف 32 کے اہم ناک آؤٹ مقابلے میں میزبان میکسیکو نے شاندار کھیل کا مظاہرہ کرتے ہوئے ایکواڈور کو 2-0 سے شکست دے کر پری کوارٹر فائنل (راؤنڈ آف 16) کے لیے کوالیفائی کر لیا۔
میچ کے آغاز سے ہی میکسیکو نے جارحانہ حکمت عملی اپنائی اور حریف ٹیم پر دباؤ برقرار رکھا۔ پہلے ہاف میں کوئی نوننس نے خوبصورت گول اسکور کر کے اپنی ٹیم کو برتری دلائی، جبکہ دوسرے ہاف میں ہیمی نینس نے دوسرا گول کر کے میکسیکو کی فتح یقینی بنا دی۔
ایکواڈور کی ٹیم پورے میچ میں مؤثر واپسی نہ کر سکی اور متعدد حملوں کے باوجود میکسیکو کے مضبوط دفاع کو توڑنے میں ناکام رہی۔
یہ کامیابی میکسیکو کے لیے تاریخی اہمیت رکھتی ہے، کیونکہ ٹیم نے 40 برس بعد فیفا ورلڈ کپ کے پری کوارٹر فائنل مرحلے تک رسائی حاصل کی ہے، جس پر کھلاڑیوں اور شائقین نے بھرپور جشن منایا۔
میکسیکو کی اس کامیابی کے بعد ٹورنامنٹ کے اگلے مرحلے میں اس کے مقابلے کا بے چینی سے انتظار کیا جا رہا ہے، جہاں اسے مزید سخت چیلنج کا سامنا ہوگا۔
دوسری جانب اس سے قبل کھیلے گئے ایک اور ناک آؤٹ میچ میں فرانس نے سوئیڈن کو شکست دے کر پری کوارٹر فائنل میں اپنی جگہ یقینی بنائی تھی، جس کے بعد ورلڈ کپ کے اگلے مرحلے میں مقابلہ مزید دلچسپ ہونے کی توقع ہے۔
