ویٹی کن نے اعلان کیا ہے کہ پاپ لیو اپنے آئندہ دورۂ اسپین کے دوران کیتھولک پادریوں کی جانب سے جنسی زیادتی کا شکار ہونے والے افراد سے ملاقات کریں گے۔
ویٹیکن کی جانب سے جاری بیان میں کہا گیا ہے کہ متاثرین کی رازداری اور تحفظ کو یقینی بنانے کے لیے ملاقات کی مزید تفصیلات ملاقات کے بعد ہی جاری کی جائیں گی۔ حکام کے مطابق اس اقدام کا مقصد متاثرہ افراد کی بات سننا اور ان کے ساتھ یکجہتی کا اظہار کرنا ہے۔
پوپ لیو، جو امریکی نژاد پہلے پوپ ہیں، 6 سے 12 جون تک اسپین اور Canary Islands کا دورہ کریں گے۔ ان کے دورے کے دوران مختلف مذہبی اور سماجی تقریبات بھی شیڈول ہیں۔
حالیہ دنوں میں میڈیا رپورٹس میں یہ قیاس آرائیاں سامنے آئی تھیں کہ پوپ اپنے دورے کے دوران کلیسائی جنسی استحصال کے متاثرین سے ملاقات کر سکتے ہیں، جس کی اب ویٹیکن نے باضابطہ تصدیق کر دی ہے۔
کیتھولک چرچ کو گزشتہ کئی دہائیوں سے مختلف ممالک میں جنسی زیادتی کے اسکینڈلز کا سامنا رہا ہے، جنہوں نے عالمی سطح پر چرچ کی ساکھ کو متاثر کیا۔ اسپین بھی ان ممالک میں شامل ہے جہاں ایسے واقعات کے بارے میں تحقیقات اور عوامی مباحث جاری رہے ہیں۔
2023 میں اسپین محتسب آفس کی ایک رپورٹ میں اندازہ لگایا گیا تھا کہ کئی دہائیوں کے دوران بڑی تعداد میں افراد کلیسائی اداروں سے وابستہ جنسی زیادتی کے واقعات سے متاثر ہوئے۔ اس رپورٹ نے اسپین میں اس مسئلے پر مزید توجہ مبذول کرائی تھی۔
ویٹیکن کا کہنا ہے کہ پوپ لیو کا یہ اقدام متاثرین کے ساتھ ہمدردی، شفافیت اور احتساب کے فروغ کی وسیع تر کوششوں کا حصہ ہے۔
