کوئٹہ: پاک فوج، فرنٹیئر کور (ایف سی) بلوچستان اور بلوچستان پولیس کا مشترکہ "آپریشن شعبان” دہشت گردوں کے خلاف بھرپور انداز میں جاری ہے، جہاں سیکیورٹی فورسز زمینی اور فضائی کارروائیوں کے ذریعے شدت پسند عناصر کے خلاف آپریشنز کر رہی ہیں۔
سیکیورٹی ذرائع کے مطابق تازہ کارروائیوں میں مزید 7 دہشت گرد ہلاک کر دیے گئے ہیں، جس کے بعد آپریشن شعبان کے دوران ہلاک ہونے والے دہشت گردوں کی مجموعی تعداد 64 تک پہنچ گئی ہے۔
ذرائع کے مطابق 5 جولائی سے جاری آپریشن شعبان اور دیگر انٹیلی جنس بیسڈ آپریشنز (IBOs) کے دوران اب تک مجموعی طور پر 102 دہشت گرد مارے جا چکے ہیں۔
سیکیورٹی ذرائع کا کہنا ہے کہ بلوچستان کے مختلف علاقوں میں دہشت گردوں کے خلاف زمینی اور فضائی کارروائیاں مسلسل جاری ہیں اور فورسز دہشت گردوں کے ٹھکانوں کو نشانہ بنا رہی ہیں۔
ذرائع نے واضح کیا کہ بلوچستان میں امن کے قیام اور دہشت گردی کے مکمل خاتمے تک آپریشن شعبان بلا تعطل جاری رکھا جائے گا، جبکہ سیکیورٹی فورسز دہشت گردوں کے خلاف کارروائیاں آخری دہشت گرد کے خاتمے تک جاری رکھنے کے عزم پر قائم ہیں۔
