مشہد: ایران کے مرحوم سپریم لیڈر آیت اللہ سید علی خامنہ ای شہید کی آج ایران کے مقدس شہر مشہد میں روضہ حضرت امام رضاؓ کے احاطے میں تدفین کی جائے گی، جہاں ان کے اہلِ خانہ کو بھی سپردِ خاک کیا جائے گا۔
رپورٹس کے مطابق آیت اللہ خامنہ ای کا جسدِ خاکی گزشتہ شب عراق کے مقدس شہر کربلا پہنچایا گیا، جہاں حضرت عباسؓ اور امام حسینؓ کے روضوں میں نماز جنازہ ادا کی گئی۔ مقامی حکام کے مطابق اس موقع پر لاکھوں سوگواروں نے شرکت کی۔
اس سے قبل مرحوم رہنما کا جسدِ خاکی نجف لے جایا گیا، جہاں روضہ حضرت امام رضاؓ میں نماز جنازہ ادا کی گئی۔ بعد ازاں عراق کے مقدس شہروں میں کئی سوگوارانہ تقریبات منعقد ہوئیں۔
ایران میں سرکاری سطح پر کئی روز تک جاری رہنے والی آخری رسومات کے دوران تہران اور قم میں بھی لاکھوں افراد نے نماز جنازہ اور تعزیتی اجتماعات میں شرکت کی۔
سرکاری اعلان کے مطابق تدفین کی آخری تقریب آج مشہد مقدس میں منعقد ہوگی، جہاں ملک اور بیرونِ ملک سے بڑی تعداد میں زائرین اور سوگواروں کی آمد متوقع ہے۔
