مالے: مالدیپ میں جاری ڈائمنڈ جوبلی فٹبال ٹورنامنٹ میں پاکستان نے شاندار کھیل کا مظاہرہ کرتے ہوئے افغانستان کو 0-2 سے شکست دے کر فائنل کے لیے کوالیفائی کر لیا۔
ٹورنامنٹ کے تیسرے میچ میں قومی ٹیم نے آغاز ہی سے جارحانہ انداز اپنایا اور میچ کے پانچویں منٹ میں Umar Nawaz نے گول اسکور کر کے پاکستان کو برتری دلائی۔
افغانستان نے میچ میں واپسی کی کوشش کی، تاہم پاکستانی دفاع نے حریف ٹیم کو گول کرنے کا موقع نہ دیا۔ میچ کے اختتامی لمحات میں انجری ٹائم کے دوران Harun Hamid نے دوسرا گول کر کے پاکستان کی فتح یقینی بنا دی۔
یہ ٹورنامنٹ میں پاکستان کی مسلسل دوسری کامیابی ہے۔ قومی ٹیم اس سے قبل میزبان Maldives کو 0-3 سے شکست دے چکی ہے، جبکہ Bangladesh کے خلاف میچ برابر رہا تھا۔
پاکستانی ٹیم اب تک ٹورنامنٹ میں ناقابلِ شکست رہی ہے اور فائنل میں رسائی کے بعد ٹائٹل جیتنے کی مضبوط امیدوار بن کر سامنے آئی ہے۔
قومی ٹیم کی مسلسل بہتر کارکردگی پر شائقین فٹبال نے خوشی کا اظہار کیا ہے اور فائنل میں بھی کامیابی کے لیے نیک تمناؤں کا اظہار کیا جا رہا ہے۔
