امریکی و اسرائیلی حملوں کی مذمت کرنے پر ایرانی صدر کا پوپ لیو سے اظہارِ تشکر

ایرانی صدر مسعود پزشکیان نے امریکی حملوں کی مذمت کرنے پر پاپ لیو کا شکریہ ادا کرتے ہوئے کہا ہے کہ پوپ نے امریکا کے خلاف اخلاقی، منطقی اور منصفانہ مؤقف اختیار کیا۔

ایرانی صدر نے اپنے بیان میں کہا کہ ڈونلڈ ٹرمپ کا ایران کو “پتھر کے دور میں بھیجنے” سے متعلق بیان شرمناک ہے اور یہ غرور، دھونس اور منفی سوچ کی عکاسی کرتا ہے۔

صدر پزشکیان کے مطابق امریکی اور اسرائیلی پالیسیاں نہ صرف ایران بلکہ پوری دنیا کے لیے خطرہ بن چکی ہیں۔ انہوں نے زور دیا کہ ایران امریکی حکومت کے غیرقانونی مطالبات کے خلاف مزاحمت جاری رکھے گا۔

ایرانی صدر کا کہنا تھا کہ ایران کا مؤقف دراصل بین الاقوامی قانون، قومی خودمختاری اور اعلیٰ انسانی اقدار کے تحفظ کی جدوجہد ہے۔