ڈھاکا ٹیسٹ میں بنگلہ دیش کرکٹ ٹیم نے پاکستان قومی کرکٹ ٹیم کو 104 رنز کی شکست کا سامنا کرنا پڑا، جس کے بعد میزبان ٹیم نے دو ٹیسٹ میچوں کی سیریز میں 0-1 کی برتری حاصل کر لی۔
ڈھاکا کے میرپور اسٹیڈیم میں کھیلے گئے پہلے ٹیسٹ کے پانچویں اور آخری روز پاکستان کو جیت کے لیے 268 رنز کا ہدف ملا تھا، تاہم قومی بیٹنگ لائن شدید دباؤ کا شکار رہی اور پوری ٹیم 163 رنز پر آؤٹ ہو گئی۔
پاکستان کی جانب سے اننگز کا آغاز انتہائی مایوس کن رہا اور پہلی وکٹ صرف 3 رنز پر گر گئی۔ نوجوان بیٹر اذان اویس 15 رنز بنا کر پویلین لوٹ گئے جبکہ کپتان شان مسعود صرف 2 رنز ہی بنا سکے۔
اوپنر عبداللہ فضل نے مزاحمت کرتے ہوئے 66 رنز کی اننگز کھیلی، تاہم دوسرے اینڈ سے وکٹیں گرنے کا سلسلہ نہ رک سکا۔ سلمان علی آغا 26، سعود شکیل 15 اور محمد رضوان بھی 15 رنز بنا کر آؤٹ ہوئے۔ حسن علی ایک رن بنا سکے جبکہ Shaheen Shah Afridi کھاتہ کھولے بغیر آؤٹ ہو گئے۔
بنگلادیش کی جانب سے فاسٹ بولر ناہید رانا نے شاندار بولنگ کا مظاہرہ کرتے ہوئے پاکستانی بیٹنگ لائن کو تہس نہس کر دیا۔ میزبان بولرز نے مسلسل دباؤ برقرار رکھا اور پاکستان کو ہدف کے قریب بھی نہ آنے دیا۔
اس سے قبل بنگلادیش نے اپنی دوسری اننگز 9 وکٹوں کے نقصان پر 240 رنز بنا کر ڈکلیئر کی تھی۔ کپتان نجم الحسن شانتو نے 87 رنز کی ذمہ دارانہ اننگز کھیلی جبکہ مومن الحق نے 56 رنز بنا کر ٹیم کی برتری مستحکم کی۔
پاکستان کی جانب سے حسن علی اور Noman Ali نے 3،3 وکٹیں حاصل کیں جبکہ شاہین آفریدی نے 2 اور محمد عباس نے ایک کھلاڑی کو آؤٹ کیا۔ اس میچ میں نعمان علی نے ٹیسٹ کرکٹ میں اپنی 100 وکٹیں بھی مکمل کیں۔
یاد رہے کہ پاکستان نے ٹاس جیت کر پہلے فیلڈنگ کا فیصلہ کیا تھا۔ بنگلادیش نے پہلی اننگز میں 413 رنز اسکور کیے تھے جبکہ پاکستان اپنی پہلی اننگز میں 386 رنز بنا سکا تھا، جس کے باعث میزبان ٹیم کو 27 رنز کی اہم برتری حاصل ہوئی۔
