امریکی صدر Donald Trump کے مجوزہ دورۂ چین سے قبل امریکی فضائیہ کے بھاری فوجی ٹرانسپورٹ طیارے Boeing C-17 Globemaster III چین کے دارالحکومت Beijing میں واقع Beijing Capital International Airport پہنچ گئے ہیں۔
میڈیا رپورٹس کے مطابق یہ طیارے صدر ٹرمپ کے دورے کے لیے درکار خصوصی گاڑیاں، سکیورٹی آلات، مواصلاتی نظام اور دیگر لاجسٹک سامان لے کر آئے ہیں۔
رپورٹس کے مطابق صدر ٹرمپ 13 سے 15 مئی کے دوران چین کا اہم سرکاری دورہ کریں گے۔ تجزیہ کار اس دورے کو واشنگٹن اور بیجنگ کے درمیان پیچیدہ تعلقات کے باوجود سفارتی روابط کو بحال کرنے کی نئی کوشش قرار دے رہے ہیں۔
ذرائع کے مطابق امریکی صدور کے غیر ملکی دوروں سے قبل C-17 گلوب ماسٹر III طیاروں کی آمد معمول کا حصہ ہوتی ہے، کیونکہ یہ طیارے سکیورٹی اور آپریشنل تیاریوں میں کلیدی کردار ادا کرتے ہیں۔
سکیورٹی انتظامات مزید سخت
امریکی میڈیا کے مطابق دورے کے دوران صدر ٹرمپ کی سکیورٹی کے لیے غیر معمولی انتظامات کیے جا رہے ہیں۔ امریکی خفیہ اداروں اور چینی سکیورٹی حکام کے درمیان رابطے بھی تیز کر دیے گئے ہیں تاکہ دورے کے دوران کسی بھی ممکنہ خطرے سے نمٹا جا سکے۔
سیاسی مبصرین کے مطابق اس دورے میں تجارت، ٹیکنالوجی، توانائی، دفاع اور خطے کی بدلتی ہوئی صورتحال سمیت کئی اہم معاملات زیر بحث آنے کا امکان ہے۔
