لاہور: کوٹ لکھپت جیل میں قیدیوں کے جھگڑے کے بعد 6 اہلکاروں کو معطل کردیا گیا۔
آئی جی جیل خانہ جات پنجاب میاں سالک جلال نے اہلکاروں کے خلاف کارروائی کی۔ معطل اہلکاروں میں 2 اسسٹنٹ سپرنٹنڈنٹس بھی شامل ہیں۔
لنگر بند ہونے پر قیدیوں میں جھگڑا
آئی جی جیل خانہ جات کے مطابق جھگڑا لنگر بند ہونے پر ہوا۔
واقعے میں اشرف نامی قیدی جاں بحق ہوگیا۔ جھگڑے کے دوران 4 قیدی زخمی بھی ہوئے۔
حکام نے واقعے کی ذمہ داری میں غفلت برتنے پر اہلکاروں کے خلاف کارروائی کی ہے۔
6 جیل اہلکار معطل
معطل اہلکاروں میں اسسٹنٹ سپرنٹنڈنٹ ظفر علی شامل ہیں۔ انچارج سینٹرل ٹاور امداد رسول کو بھی معطل کردیا گیا۔
امداد رسول اسسٹنٹ سپرنٹنڈنٹ کے عہدے پر تعینات تھے۔ چیف وارڈر عرفان خان بھی معطل ہونے والے اہلکاروں میں شامل ہیں۔
وارڈرز تنویر ہاشم، عمران سعید اور آصف کو بھی معطل کردیا گیا ہے۔
آئی جی جیل خانہ جات پنجاب نے واقعے میں غفلت کے معاملے پر کارروائی کی ہے۔ مزید کارروائی تحقیقات کی روشنی میں کی جاسکتی ہے۔
