برطانیہ سے علیحدگی کی مہم تیز، سکاٹ لینڈ، ویلز اور شمالی آئرلینڈ کے رہنماؤں کا مشترکہ اعلامیہ

برطانیہ سے علیحدگی کی مہم میں تیزی آگئی ہے۔ سکاٹ لینڈ، ویلز اور شمالی آئرلینڈ کے قوم پرست رہنماؤں نے مشترکہ اعلامیے پر دستخط کر دیے۔

تینوں رہنماؤں نے حقِ خودارادیت کے حوالے سے تاریخی مشترکہ اعلامیہ جاری کیا ہے۔

کارڈف میں قوم پرست رہنماؤں کا اجلاس

خبر ایجنسی کے مطابق تینوں رہنماؤں کا اجلاس ویلز کے دارالحکومت کارڈف میں ہوا۔

اجلاس کے دوران مشترکہ اعلامیے پر اتفاق کیا گیا۔ اعلامیے میں تینوں اقوام کے حقِ خودارادیت پر زور دیا گیا۔

بریگزٹ پر بھی تنقید

مشترکہ اعلامیے میں کہا گیا کہ بریگزٹ نے تینوں خطوں کی معیشتوں کو نقصان پہنچایا۔

رہنماؤں کے مطابق بریگزٹ نے عوام کے مواقع بھی محدود کیے ہیں۔

اعلامیے میں کہا گیا کہ سکاٹ لینڈ، ویلز اور شمالی آئرلینڈ کی اقوام کو اپنے مستقبل کا فیصلہ کرنے کا حق حاصل ہے۔

ویسٹ منسٹر حکومت سے آئینی تبدیلی کا مطالبہ

اعلامیے میں کہا گیا کہ ویسٹ منسٹر کا وقت ختم ہونے کے قریب ہے۔

رہنماؤں نے مؤقف اختیار کیا کہ کسی بھی ویسٹ منسٹر حکومت کو جمہوری عمل روکنے کا حق نہیں۔

انہوں نے کہا کہ حکومت کو اقوام کے مستقبل کے فیصلے کو کمزور نہیں کرنا چاہیے۔

تینوں خطوں کے رہنماؤں نے برطانوی حکومت سے آئینی تبدیلی کی تیاری میں سہولت فراہم کرنے کا مطالبہ کیا۔

انہوں نے آئینی تبدیلی کے لیے مناسب منصوبہ بندی شروع کرنے پر بھی زور دیا۔