وفاقی حکومت نے مالی سال 2026-27 کے لیے دیت (دِیَت) کی نئی رقم مقرر کرتے ہوئے اس کا باقاعدہ نوٹیفکیشن جاری کر دیا ہے۔
وزارت خزانہ کی جانب سے جاری نوٹیفکیشن کے مطابق مالی سال 2026-27 کے لیے دیت کی رقم ایک کروڑ 93 لاکھ 52 ہزار 390 روپے مقرر کی گئی ہے۔
نوٹیفکیشن میں بتایا گیا ہے کہ قانون کے مطابق دیت کی ادائیگی 30 ہزار 630 گرام چاندی کی مالیت کے مساوی رقم کی صورت میں کی جا سکتی ہے، جس کی بنیاد پر موجودہ مالی سال کے لیے مذکورہ رقم کا تعین کیا گیا ہے۔
وزارت خزانہ نے واضح کیا کہ یہ نوٹیفکیشن مالی سال 2026-27 کے لیے نافذ العمل ہوگا اور متعلقہ ادارے قانونی تقاضوں کے مطابق اس پر عمل درآمد کریں گے۔
