واشنگٹن: امریکا نے ایران کے خلاف ایک بار پھر فوجی کارروائیوں کا آغاز کر دیا ہے۔ امریکی سینٹرل کمانڈ (سینٹ کام) کے مطابق ایران کے خلاف حملوں کا نیا سلسلہ شروع کیا گیا ہے۔
سینٹ کام کی جانب سے جاری بیان میں کہا گیا ہے کہ یہ کارروائی اس واقعے کے بعد کی گئی جس میں پاسدارانِ انقلاب پر قبرص کے پرچم بردار ایک کنٹینر بردار جہاز کو نشانہ بنانے کا الزام عائد کیا گیا ہے۔
امریکی فوجی حکام کے مطابق اس حملے کے بعد خطے میں سیکیورٹی صورتحال مزید کشیدہ ہو گئی، جس کے پیش نظر امریکی افواج نے ایران سے متعلق مخصوص اہداف پر نئی کارروائیاں شروع کی ہیں۔
یہ پیش رفت ایسے وقت میں سامنے آئی ہے جب مشرقِ وسطیٰ میں ایران اور امریکا کے درمیان کشیدگی ایک مرتبہ پھر شدت اختیار کر رہی ہے، جبکہ دونوں ممالک کے درمیان حالیہ دنوں میں سفارتی بیانات اور فوجی نقل و حرکت میں بھی اضافہ دیکھا گیا ہے۔
تاحال ایران کی جانب سے امریکی دعوؤں یا نئی فوجی کارروائیوں پر باضابطہ ردعمل سامنے نہیں آیا۔
