مظفرآباد: آزاد جموں و کشمیر قانون ساز اسمبلی کے آئندہ انتخابات کے لیے استحکام پاکستان پارٹی (آئی پی پی) نے 35 انتخابی حلقوں میں اپنے امیدواروں کے ناموں کا باضابطہ اعلان کر دیا ہے۔
پارٹی کے مرکزی صدر عبدالعلیم خان نے امیدواروں میں پارٹی ٹکٹ تقسیم کیے، جس کے بعد مختلف حلقوں کے لیے امیدواروں کی فہرست جاری کر دی گئی۔
جاری کردہ فہرست کے مطابق ایل اے 2 سے محمد معروف، ایل اے 3 سے تسلیم عارف، ایل اے 4 سے تیمور حسن، ایل اے 8 سے ذوالفقار علی، ایل اے 9 سے طاہر فرید، ایل اے 10 سے محمد یوسف، ایل اے 11 سے محمد طالب، ایل اے 12 سے صبیحہ صدیق اور ایل اے 13 سے نثار عنصر کو پارٹی امیدوار نامزد کیا گیا ہے۔
استحکام پاکستان پارٹی نے سابق وزیراعظم آزاد کشمیر سردار تنویر الیاس کو ایل اے 15، ایل اے 22 اور ایل اے 25 سے امیدوار نامزد کیا ہے، جس سے وہ تین مختلف حلقوں سے انتخابی میدان میں اتریں گے۔
دیگر امیدواروں میں ایل اے 16 سے اعجاز احمد، ایل اے 17 سے عامر نذیر، ایل اے 18 سے مرتضیٰ احمد، ایل اے 19 سے شہزاد عزیز، ایل اے 21 سے بلال شکیل، ایل اے 23 سے سردار رئیس انقلابی، ایل اے 24 سے سردار عنایت اللہ، ایل اے 27 سے سردار تبارک اللہ اور ایل اے 30 سے مقبول گجر شامل ہیں۔
اسی طرح ایل اے 5 سے افتخار حسین، ایل اے 35 سے عبد القدیر، ایل اے 39 سے محمد طاہر کھوکھر، ایل اے 40 سے سلیم بٹ، ایل اے 41 سے سعید ڈار، ایل اے 42 سے بلال بٹ، ایل اے 43 سے حمزہ بزمی، ایل اے 14 سے راجہ فہیم فاروق، ایل اے 36 سے ادیب امجد بٹ اور ایل اے 31 سے راجہ مظہر قیوم کو بھی پارٹی ٹکٹ جاری کیے گئے ہیں۔
پارٹی نے ایل اے 29 سے سعید اعوان، ایل اے 6 سے علی شان سونی اور ایل اے 28 سے کوثر تقدیس گیلانی کو بھی اپنے امیدوار نامزد کیا ہے۔
استحکام پاکستان پارٹی کی جانب سے امیدواروں کے اعلان کے بعد آزاد جموں و کشمیر کے انتخابی میدان میں سیاسی سرگرمیوں میں مزید تیزی آنے کا امکان ہے، جبکہ مختلف سیاسی جماعتیں بھی اپنے امیدواروں کی نامزدگی کا عمل مکمل کر رہی ہیں۔
