لاہور میں تعینات چینی قونصل جنرل Sun Yan نے نے سپیکر پنجاب اسمبلی ملک محمد احمد خان سے پنجاب اسمبلی چیمبر میں ملاقات کی جس میں پاک چین تعلقات، اقتصادی تعاون، China-Pakistan Economic Corridor منصوبوں اور پارلیمانی سفارت کاری کے فروغ سمیت مختلف امور پر تفصیلی تبادلہ خیال کیا گیا۔
ملاقات کے دوران سپیکر پنجاب اسمبلی نے کہا کہ وزیراعظم شہبازشریف کا حالیہ دورہ چین پاک چین تعلقات میں ایک اہم سنگ میل ثابت ہوا ہے۔ انہوں نے کہا کہ چینی قیادت کے ساتھ ہونے والی ملاقاتیں انتہائی مفید اور نتیجہ خیز رہیں جبکہ طے پانے والے فیصلوں پر بروقت عملدرآمد ناگزیر ہے۔
ملک محمد احمد خان نے کہا کہ پاکستان اور چین کے درمیان سٹریٹجک شراکت داری دونوں ممالک کے مشترکہ مستقبل کی ضمانت ہے اور چین پاکستان کی ترقی اور خوشحالی کا قابل اعتماد شراکت دار ہے۔
انہوں نے کہا کہ چین پاکستان اقتصادی راہداری (سی پیک) پاکستان کی اقتصادی ترقی کے نئے دور کا آغاز ثابت ہوگی، جبکہ خصوصی اقتصادی زونز میں سرمایہ کاری سے روزگار اور صنعتی ترقی کے نئے مواقع پیدا ہوں گے۔ سپیکر نے اس بات پر زور دیا کہ اقتصادی تعاون کے ثمرات عام عوام تک پہنچنے چاہئیں۔
پارلیمانی سفارت کاری کے حوالے سے سپیکر پنجاب اسمبلی نے کہا کہ یہ دونوں ممالک کے درمیان دیرینہ برادرانہ تعلقات، باہمی اعتماد اور تعاون کے فروغ میں اہم کردار ادا کرے گی۔ انہوں نے کہا کہ وزیراعظم شہباز شریف کی قیادت میں پاک چین معاشی تعاون نئی بلندیوں کی جانب گامزن ہے اور پاک چین دوستی ایک آزمودہ، لازوال اور فولادی رشتہ ہے۔
اس موقع پر چینی قونصل جنرل سن یان نے کہا کہ چین پاکستان کے ساتھ دوطرفہ تعلقات کو مزید وسعت دینے کے لیے پرعزم ہے۔ انہوں نے کہا کہ تعلیمی اور ثقافتی روابط کے فروغ سے دونوں ممالک کے عوام مزید قریب آئیں گے اور مختلف شعبوں میں تعاون کو مزید فروغ دیا جائے گا۔
ملاقات میں Chaudhry Aamir Habib، Usama Khawar، Imad Hussain Bhalli، Malik Taimoor Ahmad Khan اور Rao Majid Ali بھی موجود تھے۔
