کولمبیا میں فضائی حادثے میں چھوٹا طیارہ ٹیک آف کے دوران گر کر تباہ ہو گیا، جس کے نتیجے میں 4 افراد ہلاک ہو گئے۔
غیر ملکی خبر ایجنسی شنہوا کے مطابق یہ حادثہ کولمبیا کے فضائی حادثات کی تحقیقات کے ادارے کی رپورٹ میں سامنے آیا، جس میں بتایا گیا ہے کہ سیسنا 206 طیارہ وسطی کولمبیا کے شہر میٹا کے دارالحکومت ویلاویسین سے لا ماکارینا جا رہا تھا۔
ابتدائی معلومات کے مطابق طیارہ ٹیک آف کے دوران ہی تکنیکی خرابی یا ممکنہ طور پر پرواز کے ابتدائی مرحلے میں توازن بگڑنے کے باعث حادثے کا شکار ہوا اور زمین پر گر کر تباہ ہو گیا۔
حادثے کے فوراً بعد کولمبیا کے ایئر ایکسیڈنٹ انویسٹی گیشن ادارے نے ہنگامی پروٹوکول نافذ کرتے ہوئے ایک خصوصی تحقیقاتی ٹیم جائے وقوعہ پر روانہ کر دی ہے۔ ٹیم کو ہدایت دی گئی ہے کہ وہ تکنیکی شواہد، فلائٹ ڈیٹا اور عینی شاہدین کے بیانات کی بنیاد پر حادثے کی اصل وجوہات کا تعین کرے۔
