14
امریکا کے وزیر دفاع پیٹ ہیگستھ نے جرمنی سے 5 ہزار امریکی فوجیوں کے انخلا کا حکم دے دیا ہے۔
غیر ملکی میڈیا رپورٹس کے مطابق یہ فیصلہ یورپی اتحادیوں کے ساتھ بڑھتے اختلافات کے تناظر میں کیا گیا ہے، خاص طور پر حالیہ علاقائی اور عالمی تنازعات پر پالیسی اختلافات کے بعد۔
حکام کے مطابق فوجی انخلا کا عمل آئندہ 6 سے 12 ماہ کے دوران مرحلہ وار مکمل کیا جائے گا۔
یہ پیش رفت ایسے وقت میں سامنے آئی ہے جب جرمن قیادت کی جانب سے ایران سے متعلق امریکی پالیسیوں اور جنگی حکمت عملی پر تنقید کی گئی تھی، جس کے بعد دونوں ممالک کے درمیان سفارتی کشیدگی میں اضافہ دیکھنے میں آیا۔
دفاعی ماہرین کے مطابق اس فیصلے سے یورپ میں امریکی عسکری موجودگی اور نیٹو کے اندر طاقت کے توازن پر اثر پڑ سکتا ہے، جبکہ خطے کی سیکیورٹی صورتحال پر بھی اس کے اثرات مرتب ہونے کا امکان ہے۔
