اسرائیلی میڈیا رپورٹس کے مطابق، یوسف الزیادنہ کا گھر اور دیگر املاک مسمار کردی گئیں۔ یوسف ایک عرب مسلم شہری ہیں۔ انہوں نے 7 اکتوبر کے حملے کے دوران 30 اسرائیلیوں کی جان بچائی تھی۔
یوسف پیشے کے لحاظ سے منی بس ڈرائیور ہیں۔ حملے کے دوران انہوں نے اپنی جان خطرے میں ڈالی۔ وہ متعدد اسرائیلی شہریوں کو محفوظ مقام پر لے گئے۔
گھر، گودام اور پولٹری فارم مسمار
رپورٹس کے مطابق، یوسف کا گھر جنوبی اسرائیل کے علاقے نیگیو میں واقع تھا۔ ان کا خاندان کئی دہائیوں سے وہاں رہ رہا تھا۔
اسرائیلی حکام نے گھر کے ساتھ گودام اور پولٹری فارم بھی مسمار کردیا۔ کارروائی کے دوران متعدد بلڈوزر استعمال کیے گئے۔ یہ کارروائی شہر راہط کے قریب کی گئی۔
یوسف کے خاندان نے ملکیت کے پرانے دستاویزات بھی پیش کیے۔ تاہم، یہ دستاویزات ان کی املاک کو مسماری سے نہ بچا سکے۔
اسرائیلی شہریوں کو بچانے کا واقعہ
یوسف الزیادنہ نے 7 اکتوبر کے حملے کے دوران اسرائیلی شہریوں کو محفوظ مقام تک پہنچایا تھا۔ اسرائیل میں ان کی اس کوشش کو سراہا گیا تھا۔
میڈیا رپورٹس کے مطابق، انہوں نے تقریباً 30 افراد کو محفوظ مقام پر منتقل کیا۔ اس واقعے کے بعد انہیں اسرائیل میں اعزاز بھی دیا گیا۔
یوسف نے اپنی مدد پر افسوس ظاہر نہیں کیا۔ ان کے بقول، ’’ہماری پرورش اسی طرح ہوئی ہے۔‘‘
