15
بیجنگ: سلوواکیہ کے صدر پیٹر پیلیگرینی 27 سے 29 جولائی تک چین کا تین روزہ سرکاری دورہ کریں گے، جہاں وہ چینی قیادت کے ساتھ دوطرفہ تعلقات اور باہمی تعاون کے مختلف شعبوں پر تبادلہ خیال کریں گے۔
چینی سرکاری نشریاتی ادارے سی جی ٹی این (CGTN) کے مطابق چینی وزارت خارجہ کے ترجمان نے بتایا ہے کہ یہ دورہ صدر شی جن پنگ کی دعوت پر انجام دیا جا رہا ہے۔
بیان کے مطابق صدر پیٹر پیلیگرینی 27 جولائی سے چین پہنچیں گے اور 29 جولائی تک جاری رہنے والے اپنے سرکاری دورے کے دوران اعلیٰ سطحی ملاقاتوں میں شرکت کریں گے۔
توقع ہے کہ اس دورے کے دوران دونوں ممالک کے درمیان سیاسی، اقتصادی، تجارتی اور دیگر باہمی دلچسپی کے امور پر تفصیلی گفتگو ہوگی، جبکہ چین اور سلوواکیہ کے دوطرفہ تعلقات کو مزید مضبوط بنانے کے امکانات کا بھی جائزہ لیا جائے گا۔
