بھارت کے دارالحکومت نئی دہلی میں ایک کثیر منزلہ عمارت میں لگنے والی خوفناک آگ کے نتیجے میں کم از کم 21 افراد ہلاک جبکہ متعدد زخمی ہوگئے ہیں۔
بھارتی میڈیا رپورٹس کے مطابق آتشزدگی کا واقعہ نئی دہلی کے علاقے Malviya Nagar میں پیش آیا، جہاں ایک عمارت میں قائم ریسٹورنٹ سمیت کئی حصے آگ کی لپیٹ میں آ گئے۔ پولیس حکام کا کہنا ہے کہ جاں بحق ہونے والوں میں غیر ملکی شہری بھی شامل ہیں۔
ریسکیو حکام کے مطابق زخمی افراد کو فوری طور پر قریبی اسپتالوں میں منتقل کر دیا گیا، جبکہ عمارت میں موجود ریسٹورنٹ مکمل طور پر جل کر تباہ ہو گیا۔
فائر بریگیڈ کے عملے نے کئی گھنٹوں کی مسلسل جدوجہد کے بعد آگ پر قابو پایا۔ حکام کے مطابق متاثرہ عمارت میں سرچ اور ریسکیو آپریشن جاری ہے تاکہ یہ یقینی بنایا جا سکے کہ اندر مزید کوئی فرد موجود نہ ہو۔
پولیس اور متعلقہ اداروں نے واقعے کی تحقیقات شروع کر دی ہیں۔ ابتدائی طور پر آگ لگنے کی وجوہات معلوم نہیں ہو سکیں، تاہم ماہرین مختلف پہلوؤں کا جائزہ لے رہے ہیں۔
حکام کا کہنا ہے کہ آتشزدگی کے اصل اسباب اور نقصانات کی مکمل تفصیلات تحقیقات مکمل ہونے کے بعد جاری کی جائیں گی۔
