ایڈاہو کی ریاست میں منعقدہ گن فائٹرز ائیر شو کے دوران کرتب دیکھاتے ہوئے دو امریکی جنگی طیارے دورانِ پرواز آپس میں ٹکرا گئے اور فوری زمین بوس ہوگئے تاہم چاروں پائلٹس فوری باہر نکلنے میں کامیاب رہے۔
غیر ملکی میڈیا رپورٹس کے مطابق حادثہ Mountain Home Air Force Base کے قریب پیش آیا، جس کے بعد ایئر بیس کو فوری طور پر لاک ڈاؤن کر دیا گیا۔
رپورٹس میں بتایا گیا ہے کہ دونوں طیارے امریکی بحریہ کے جدید Boeing EA-18G Growler جنگی طیارے تھے، جو ائیر شو کے دوران فضائی مظاہرہ کر رہے تھے کہ اچانک فضا میں ایک دوسرے سے ٹکرا گئے۔
حادثے کے فوری بعد ریسکیو اور ایمرجنسی ٹیمیں موقع پر پہنچ گئیں جبکہ امریکی حکام نے واقعے کی تحقیقات شروع کر دی ہیں۔ تاحال پائلٹس یا جانی نقصان کے حوالے سے مکمل تفصیلات جاری نہیں کی گئیں۔
عینی شاہدین کے مطابق حادثے کے بعد فضا میں دھوئیں کے بادل دیکھے گئے جبکہ ایئر شو میں شریک افراد میں شدید خوف و ہراس پھیل گیا۔
امریکی فوجی حکام کا کہنا ہے کہ حادثے کی وجوہات جاننے کے لیے جامع انکوائری کی جا رہی ہے اور ابتدائی شواہد اکٹھے کیے جا رہے ہیں۔
