رپورٹ: سید فرزند علی
کل مسالک علما بورڈ کے چئیرمین مولانا محمد عاصم مخدوم چینی حکومت کی دعوت پر اعلی سطحی وفد کے ہمراہ چین پہنچ گئے ہیں، جہاں وہ مختلف مذہبی، ثقافتی اور سفارتی تقریبات میں شرکت کریں گے۔
کل مسالک علما بورڈ کے چیئرمین مولانا محمد عاصم مخدوم کے ہمراہ تنظیم کے دیگر اراکین بھی وفد میں شامل ہیں۔ وفد 17 مئی کو Xinjiang کے میوزیم کا دورہ کرے گا جبکہ Urumqi میں یوجیان کمیونٹی کے عمائدین سے ملاقات بھی ہوگی۔ 18 مئی کو وفد سنکیانگ کی خود مختاری کے 70ویں یومِ آزادی کی تقریبات میں بطور مہمانِ خصوصی شرکت کرے گا۔ اسی روز ایک خصوصی نمائش میں شرکت کے علاوہ ارومچی کی مرکزی جامع مسجد کا دورہ اور مقامی مسلم علماء سے ملاقاتیں بھی شیڈول ہیں۔
وفد سے ارومچی میں نائب وزیر خارجہ بھی ملاقات کریں گے، جس میں مذہبی ہم آہنگی، ثقافتی روابط اور باہمی تعاون کے امور پر تبادلہ خیال متوقع ہے۔
19 مئی کو وفد ارومچی ائیرپورٹ، یانگسی مندر اور Tianshan Textile Company کی مختلف تقریبات میں بطور مہمان خصوصی شریک ہوگا۔
20 مئی کو وفد Kashgar پہنچے گا جہاں ثقافتی میلے میں شرکت اور Kashi Jianguo Agricultural Company Limited کے دورے کا پروگرام شامل ہے۔
21 مئی کو وفد کاشغر کے پہاڑا کڑی گاؤں کا دورہ کرے گا جبکہ تاریخی Id Kah Mosque کی تقریب میں شرکت اور مذہبی قیادت سے ملاقاتیں بھی متوقع ہیں۔اس موقع پر وفد کاشغر کے قدیم شہر کے میموریل ہال کا دورہ بھی کرے گا۔
