Table of Contents
امریکی محکمہ دفاع کے انسپکٹر جنرل کی رپورٹ میں ایران جنگ کے مالی اور عسکری اثرات کا جائزہ لیا گیا ہے۔
رپورٹ کے مطابق امریکا نے جنگ پر تقریباً 33 ارب 40 کروڑ ڈالر خرچ کیے۔
اس رقم میں 22 ارب 30 کروڑ ڈالر استعمال شدہ گولہ بارود پر خرچ ہوئے۔
رپورٹ کے مطابق جنگ کے دوران 20 ہزار سے زائد امریکی فوجی اور سفارتی اہلکار خطے سے نکالے گئے۔
امریکی افواج کی ہزاروں پروازیں
انسپکٹر جنرل کی رپورٹ کے مطابق یورپی اڈوں سے امریکی افواج نے جنگی معاونت کے لیے 5 ہزار پروازیں کیں۔
امریکا کو عراق، کویت، سعودی عرب اور متحدہ عرب امارات میں بھی مالی نقصان اٹھانا پڑا۔
رپورٹ میں ان نقصانات کی مالیت 20 کروڑ 80 لاکھ ڈالر سے زائد بتائی گئی ہے۔
ڈرونز اور جنگی طیاروں کا نقصان
رپورٹ کے مطابق جنگ کے دوران 30 امریکی ڈرونز تباہ ہوئے۔
اس کے علاوہ کئی جنگی طیاروں کو بھی نقصان پہنچا۔
ان میں ایف-15، ایف-35 اور اے-10 طیارے شامل ہیں۔
رپورٹ میں مزید کہا گیا کہ ایران نے بحرین میں امریکی بحریہ کے مرکزی لاجسٹکس مرکز کو بھی تباہ کر دیا۔
پینٹاگون ہتھیاروں کے ذخائر بڑھائے گا
انسپکٹر جنرل کے مطابق پینٹاگون ہتھیاروں کی خریداری اور پیداوار تیز کرنے کی کوشش کر رہا ہے۔
امریکی محکمہ دفاع اہم جنگی سازوسامان کے ذخائر بڑھانے پر بھی کام کر رہا ہے۔
یہ رپورٹ کانگریس کی جانب سے لازمی قرار دی گئی تھی۔
رپورٹ میں ایران جنگ کے پہلے چار ماہ کا جائزہ پیش کیا گیا ہے۔
